تعال وان ما تجي باجيك في الحال=تعال عندي مشاعـر فيـك ريّـه
عندي سوالف. تهيّا لرصد زلـزال=تعـال لاتطـوّل الغيبـه علـيّـه
ذبحتني ياكحيـل الرمش قتـّال=ولله كلـك جـمـال و جاذبـيّـه
اتخيلـك ياحياتـي بـزول خيّـال=خيّـال ومجنـون ياخيّـال فيّـه
وتقول فيني شعر وتجـرّ مـوّال=ترقص جنونـك قبالـي محتفيّـه
وتقول ياقلبها سلّم وفـي الحـال=فجأه تلاقي الصحاري بـك نديّـه
تنبت زهور البراري و تكسي جبال=والغيم رش رش هتونه الموسميّه
إمن العصر للغروب الديم همّـال=والشمس نامت في جنه مخمليّـه
حتي القمر مالفى ولاجاب مرسال=غاب القمر ماحضر واعطاك ضيّه
نبض القوافي احتفى بقدومك وقال=احلى المعاني ورقص لك سامريّة
تشب قلبي بوله ماجا على البـال=يحلى الغزل في العيون الأكحليّـه
لي شفتني جيت صوبي ترمي نبال=بالهون لحظـه ترانـي منتهيـه
ونيـت ياقلبـه الولهـان محتـال=تشتاق كل لحظه وتصوّب شظيـه
مرات تهذي على عمّال بطّال=مرّات تقصد تكايدني بذيّه
اهواك من يوم شفتك صابني خبال=بااسباب نظرات بعيونـك شقيـه
تحبني قلتهـا لـك جعلهـا فـال=تدري بغرامي انـا بـك مكتويـه
أرفق بحالي يحالي الريق عسّـال=مرمـرت حالـي بدنيـا سكّريـه
أرمي سلامك تحيـة ودّ ووصـال=سلّـم عليـّه وانـا اردّ التحيّـه
يازين سحر الهوى لاجاك شـلال=يعطيك كل المشاعـر لـك هديّـه
يثبت وجوده عنيد بعنـف ينهـال=من نفس هامت بعشقك نرجسيـه
ادري قليبك عشقني حبني ومـال=والعشق سحر الهوى للهاشميه
تعال وان ما تجي باجيك في الحال=تعال عندي مشاعـر فيـك ريّـه
عندي سوالف. تهيّا لرصد زلـزال=تعـال لاتطـوّل الغيبـه علـيّـه