آخر 10 مشاركات
نشطاء : قناص العيون ألقى القبض على بشر والدخلية تنفي (الكاتـب : ميدان الأمة - مشاركات : 0 - المشاهدات : 1 - الوقت: 06:54 PM - التاريخ: 11-20-2014)           »          الملح .. علاج فوري للصداع النصفي (الكاتـب : ميدان الأمة - مشاركات : 0 - المشاهدات : 1 - الوقت: 06:38 PM - التاريخ: 11-20-2014)           »          السيسى : أحد أسباب الإرهاب "القضية الفلسطينية" (الكاتـب : ميدان الأمة - مشاركات : 0 - المشاهدات : 1 - الوقت: 06:23 PM - التاريخ: 11-20-2014)           »          "المركزي للمحاسبات" يكشف فساد قطاع الاتصالات (الكاتـب : ميدان الأمة - مشاركات : 0 - المشاهدات : 1 - الوقت: 05:31 PM - التاريخ: 11-20-2014)           »          مهندسة ديكور داخلي (Interior Designer) تبحث عن عمل بجدة (الكاتـب : نور العيين - مشاركات : 0 - المشاهدات : 1 - الوقت: 04:47 PM - التاريخ: 11-20-2014)           »          "الأمة" تكشف ما وراء الخطاب السعودي لـ"السيسي" (الكاتـب : ميدان الأمة - مشاركات : 0 - المشاهدات : 1 - الوقت: 06:08 PM - التاريخ: 11-19-2014)           »          قمع الداخلية والعناد السياسي يقضيان على إحياء ذكرى "محمد محمود" (الكاتـب : ميدان الأمة - مشاركات : 0 - المشاهدات : 1 - الوقت: 05:30 PM - التاريخ: 11-19-2014)           »          10 فوائد لـ"اللفت" أهمها مقاومة السرطان والجلط (الكاتـب : ميدان الأمة - مشاركات : 0 - المشاهدات : 1 - الوقت: 04:56 PM - التاريخ: 11-19-2014)           »          مقالات (الكاتـب : ميدان الأمة - مشاركات : 0 - المشاهدات : 1 - الوقت: 04:29 PM - التاريخ: 11-19-2014)           »          "زينب المهدي".. قصة تبحث عن قصة ! (الكاتـب : ميدان الأمة - مشاركات : 0 - المشاهدات : 1 - الوقت: 02:29 PM - التاريخ: 11-19-2014)



الإهداءات

 
المشاركة السابقة   المشاركة التالية
قديم 08-26-2009, 11:33 PM   #1
الدعيع ابوفهد


 
الصورة الرمزية الدعيع ابوفهد

 آلحـآله ~ : الدعيع ابوفهد غير متواجد حالياً
 رقم العضوية : 4705
 تاريخ التسجيل :  Oct 2006
 فترة الأقامة : 2950 يوم
 أخر زيارة : 10-21-2013 (03:01 PM)
 النادي المفضل :
 الإقامة : 
 المشاركات : 2,714 [ + ]
 التقييم :  10
  معدل التقييم ~ :
 زيارات الملف الشخصي : 2621

  مشـروبيُ ~

  كآكآوي ~

  قنـآتيُ ~

  مدونتيُ ~

لوني المفضل : Cadetblue
 
 

افتراضي رمضان والعيد أيام زمان بخيــبر



بسم الله وعلى بركة الله


موضوعنا اليوم إخواني وأخواتي الكرام أحدثكم به عن كيفية قضاء شهر رمضان المبارك وأيام العيد في محافظة خيبر زمان أيام مكيدة والشريف وابو وشيع والروان والمشرقه والمريخيه والنطاة لايزعل العبدي ويبلشنا
محرم // صفر // ربيع أول // ربيع ثاني // جماد أول
جماد ثاني // رجب – وكانوا يسمونه ارجبيه // وشعبان
لاإله إلا الله مشاء الله تبارك الله السنة بدأت تخلص وحنا ماندري .. ياالله ارحمنا برحمته
جاكـــــم ( رمضان ) شهر الخير والغفران
الوالدة تذكر الوالد ( يابو فلان ) ترى ارمضان باقي له كم يوم ويحل
عاد الوالد الله يطول بعمره يرد عليها ارمضان جاء الله يحييه وش عندك تذكريني برمضان .. الوالدة : ترد عليه نبغى مقاضي الوالد : قبل تطلبين مقاضي وش جهزتي لرمضان
الوالدة : جهزت الله يطول عمرك ( الدشيشه يعني الشربه ) ( والخضر – دقيق الشعير الاخضر )

الوالد : خلاص بأخذ الولد بكره ان شاء الله ( اللي هو أنا ياحظي باروح المدينه مع أبوي ) وانروح المدينه نتقضى . أذن الفجر الوالد يبي يصحيني لآقاني صاحي من الفرحه باروح المدينه النوم ماجاني من الفرحه .. صلينا الفجر وشغل أبوي الوانيت الهايلكس موديل ( 78) والله ونتحرك من خيبر والساعه (8) وحنا عند مستودع أبو عوف بالمدينة كان مكانه جنوب الحرم عند المحكمه حاليا .. المهم اشترينا مكرونه – وشعيريه – وتطلي وعصير توت - بس هاذي مقاضي رمضان زمان .. حركنا على خيبر جلسنا يوم يومين وذيك الليله بعد صلاة المغرب جالسين نتعشاء بالسطح والوالد يفتح الراديو الا والمذيع يكون بكره رمضان والله ومانسمع الا الوالد والوالده يهللون ويرحبون برمضان شهر الخير ويوم اني فرحت الحين افكر بقدر التطلي بكره العصر يوم اني الحسه المهم وحنا جالسين بالسطح نسمع الجيران اللي ورانا واللي جنبنا واللى أمامنا اللي يهلل واللي يسولف الحين بدوا يسهرون .. بعد السهره والفرحه بشهر الخير نمنا وقبل الفجر بساعتين الا وهم يصحونا قم ياولد تصحر والله ونقوم وانلاقي الصحور المتواضع جاهر عاد وشو الصحور يارز ولا إيدام .. بعد الصحور نشرب كفترة الشاهي لين قريب الاذان واليامنه اذن عبدالعزيز العرج بمكيده ولا القحيم بالشريف أمسكو الناس عن الاكل والشرب .. عاد نروح نصلي ونرجع ننام والساعه (7) ولا (8) وحنا شبعنين نوم عاد انا أخذ مفتاح الدكان وأروح أجلس أبيع لين الساعه (12) وإذا أذن الظهر مروا على الشله عيد بن سعدون والباقين وعلى المشيرع وكلن معه شرشفه نبلل الشراشف بالماء وانروح ننام بالبراد تحت النخل وأهلنا نفس الشي بالبيوت اللي يبل شرشف واللي تبل خرجتها المهم الناس تدور البراد لآن الجو حار زي هاذي الايام إحنا يالشباب نجلس بالمشيرع لين العصر ثم نروح ونبشك عند دكان العم على الحمزه ابن عزير معروف لديكم والياقرب المغرب نروح حرة سعد الفراش أو الحبس نتفرج على المدفع يوم انه يرمي للفطور ومن يوم يقول المدفع ( أي ي ي ي) كلن يحط ثوبه بأسنانه وركض لين يوصل بيتهم طبعا العسكري اللي يرمي بالمدفع اتذكره هو الاخ حمزه عويد يوم كانت الشرطه بالشريف والله ويفطرون الناس وبالليل يسيرون على بعضهم المره اللي ماعندها رجال تأخذ شبشورها وتروح تتونس عند جارتها والعويله يلعبون مع بعض الين الساعه (11) ويسرون والرجال يأخذون عيالهم الكبار وعلى المسجد يصلون العشاء والتراويح ثم عاد يرجعون البيت والياهم جيعانين .. عاد الشايب كنه جيعان يامره عطينا دشيشه كان عندكم وعطونا تطلي ومن المصاليق اللي انتم مسوين وأنا مستني التطلي متي يجي الى درجه اني لحد الأن وأنا مدمن على التطلي .. راح من رمضان اسبوع اسبوعين لين العشر الاواخر عاد جاتك كسوة العيد . وهكا اليوم مادرينا الا وابوي جايب كسوتنا تعرفون الحريم والعجايز الكبار كسوتهم قطعة ثوم ملونه مرسوم على ورد توديها للي تعرف تخيط من جاراتها وتخيطها لها ثوب للعيد (( ول ياشين )) وشيله والعباه عندها عباتها القديمه ماهي شرط زيكم ياحريم اليوم عباه للحميم وعباه للعيد يادفع البلا .. والبنات ثوب ولا فستان أبو خرز ومسفع وانعول ولا كنادر وأحنا طيور شلوا الشباب ثوب كبك وقاطيه مكتوب عليها المدينه المنوره وأعمامه وكنادر والشراب حق المدرسه ملون واعقال وياسلام سلم .
الحين كسوة العيد وجت المشكله الحين تقوم الهده بين العيال وأخواتهم ليلة العيد على مكوى الفحم كلن يبي يكوي ثوبه أول .
اليوم اللي قبل العيد يسمونه الوقفه بس مدري كل العيدين ولا الضيحه في هذا اليوم الحريم يكنسون بيوتهم الطين واللي حوليها مافيه بلديه في ذاك الزمان البلديه ماجت الا متأخره مايجي ليلة العيد الا والديره تلق من النظافه مخلينها الحريم يازينها زيناه
كوينا الملابس وامهاتنا وخواتنا حنو ايديهم وارجلهم بالحنا البلدي وجهزوا المكحله والزرس الاحمر لين بكره ونمنا ومن بدري صحينا وصلينا الفجر ورجعنا البيوت ولبسنا ثياب العيد ومانروح بسيارات حنا الشباب نروح على رجلينا مشي فرحانين عشان الناس يشوفون ثيابنا وكنادرنا لين نوصل مصلي العيد ( الشهيباء ) هذا مصلى اهل مكيده والمريخيه والمشرقه وحتى بعض أهل الروان يجون يصلون معنا وأهل الشريف وأهل ابو شيع بعد لهم مصلى بس والله ماعرفه معليش ياشباب بدأت صلاة العيد والخطبه وخلصت الحين يجي دور الفروسيه وسباق الخيل والخياله هم حيدر المحسن واخوه عثمان المحسن وعايد الدبكي وسبيل العيد الله يرحمهم جميع ويوسف الرشيد الله يطول بعمره ويأخذون لهم شوط ولا شوطين والناس يسلمون على بعضهم ويتفرجون والحريم يصفقون ويشجعون . بعدين يرجعون للبيون أما حنا يالشباب والبنيات الصغار مانعرف بيوتنا نروج نعيد على الاقارب والجيران وندور الحمص والحلاو مافيه ذاك الوقت فلوس لين يأذن الظهر نروح بيوتنا
عاد نشوف بعد الظهر ان كان فيه غذاء ولا عزومه عند احد الجيران ولا الاقارب وإذا مافيه تغدينا ببيوتنا . ونبقى على هذا الحال ثلاثة ايام والعيد مستمر بعد ثلاثة أيام يخلص العيد .

ويش اللي لاحظناه من هذا السيناريو


البساطة في شراء مقاضي العيد

البساطة في الأكل والشرب

تحمل الحر الشديد واللجو إلى تبليل الشراشف بالماء والتلحف بها في نهار رمضان

مدفع رمضان له دور وله ميزه خاصة للاستماع إليه

الشباب والشابات إلى عمر العشرة سنوات لايتحمل الصيام من شدة الحر

مقاضي العيد كسوة الفرد الواحد بالعائلة لاتكلف (100) ريال

حلاوة العيد إذا تذكرونها الصفراء المرسوم عليها نحله يعني ام عسل مع الحمص الأحمر القديم والحلاو الأحمر والأبيض اللي يجي مع الحمص

طبعا فيه حاجه ماذكرتها لكم .. بما إني بائع في دكاننا يكثر بيع التونة والشطة الحارة في نهار رمضان على الشباب ولكن بالدس يعني عن طريق التهريب .


من مواقفي ليلة العيد


جالس أكوي ثوبي الجديد اللي بعيد به اثري المكوى حار وحرق يد الثوب طبعا صحت لين أوجعني راسي ونمت صحيت الصبح ولبسته ماعندى غيره .

.........................................


أتمنى أن أكون قد وفقت لسرد حياتنا أيام زمان بشهر رمضان المبارك والعيد السعيد
السموحه لو تعدينا الحدود حيث إني اعتمدت بالسيناريو على اللهجة المحلية لكي يكون للموضوع حلاوة .. تقبلوا تحيتي ... يوم الأربعاء 5/9/1430هـــ


 
 توقيع : الدعيع ابوفهد

[url=http://www.0zz0.com][img]http://www6.0zz0.com/2011/02/08/07/667564076.jpg[/img][/url]

التعديل الأخير تم بواسطة الدعيع ابوفهد ; 12-09-2009 الساعة 10:49 PM

رد مع اقتباس
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
الأضحية بخيبر أيام زمان الدعيع ابوفهد منتدى التراث لمحافظة خـيبر 16 02-23-2011 02:50 PM
الديوان الملكي: غداً المكمل للثلاثين من رمضان.. والعيد يوم الجمعة navigator المـنـتــــــــدى الــعـــــــــــــــام 6 09-09-2010 12:03 AM
المسلمون يعيشون ثاني أيام شهر رمضان المبارك navigator منتدى الخيمة الرمضانية 4 08-14-2010 06:45 PM
صور أيام زمان (غاية البراءة) عبداللةالـشمسي منتدى الرحلات والصيد والصور 3 05-28-2009 05:08 PM
غدًا أول أيام شهر رمضان المبارك إحسـ طفل ـاس منتدى الخيمة الرمضانية 2 08-31-2008 12:19 PM


الساعة الآن 07:46 PM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd

بدعم من رسام نجد

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
|